Vladimir Mathurin ki gen 47 lane ak bofis li ki rele Chin Wai Mode 27 lane pèdi lavi yo nan Brooklyn/ New York, dimanch 29 oktòb la nan aswè vè 10 zè 30. Se yon vwazen ki vide bal sou 2 mesye yo aprè l te fin mande yo etenn yon mizik yo t ap jwe byen fò nan batiman kote yo te ye a. Kamera siveyans yo montre Mathurin ki te ak yon sizo nan men l ki te sòti vin menase vwazen an ki li menm pral rale zam li kèk segond aprè epi touye mesye yo ak plizyè katouch.
Marie Luc Delille, 48 lane, madanm Mathurin te gentan kouri antre anndan kay la. Se yo krim krim ki kite anpil plenyen nan mitan kominote ayisyèn nan.
