Chèf gang kraze baryè a ki se Vithel’homme Innocent pa janm fè yon frennen nan move zak li yo. Prèske chak jou yon kidnaping fèt nan anviwonnman Petyonvil la, sitou sou Wout Frè ak lòt komin avwazinan tankou Taba. Gen anpil ka anlèvman chèf gang sa a fè ki pase sou silans kidonk moun pa konnen. Malfra yo tout kwen nan vil la ap mete kontwòl sou moun pou yo ale avèk yo.
Gang kraze baryè a kontwole pi fò kote nan zòn Taba, Laplèn, Petyonvil pou n site sa yo ase. Malgre tout rèl ak apèl popilasyon sivil la, anyen pa janm di paske gang sa a gen bon jan relasyon ak gouvènman ki la a.
