Gouvènman ki gen Ariel Henry nan tèt li an pran desizyon pou kanpe tout vòl k ap sòti Ayiti pou ale Nikaragwa sou Presyon Ameriken. Se yon nouvèl chòk ki rive jwenn plizyè milye konpatriyòt ayisyen ki te deja nan liy pou al pran avyon jodi lendi a pou ale Nikaragwa. Gouvènman Nikaragweyen an pat gen oken pwoblèm resevwa vòl sa yo, nou konnen prezidan peyi sa a pa nan tete lang ak tonton Sam.
Pa gen dout sou sa. Se papa Ariel Henry yo nan Depatman d Eta ameriken ki mande l pran mezi sa a anba gwo presyon paske l pa gen chwa. Nenpòt sa blan an mande l l ap fè l.
