Nan Eta “Maine” kay Tonton Sam, 18 moun pèdi lavi pandan gen pliske 50 lòt ki blese. Se rezilta yon atak yon prezime asasen ki rele Robert R. Card ki gen 40 lane fè nan vil Lewiston. Daprè premye eleman enfòmasyon Lapolis Leta ak Lapolis lokal yo bay, prezime asasen sa a ta yon malad mantal ki te nan yon sant sikyatri. Se ayè mèkredi 25 oktòb la nan aswè masak sa a fèt.
Te gen plizyè fanmi ki t ap jwe nan “sparetime recreation” lè prezime asasen nan louvri kout zam devan dèyè sou tout moun ki te anndan an. Lapolis ap bouske kriminèl la kouwè chen fou.
