Charles Léonelson, alye gang Ti Bwadòm nan, se non chèf gang sa a ki vale dlo bouch li ayè dimanch lan nan komin Pòdepè. Se nan lokalite “Blòk Mòn Van” polisye yo desann towo sa a ak tout yon konkonbrèt parèy li nan echanj kout zam. Charles Léonelson patisipe nan asasina divès moun tankou Claudy, Ti Blanc ki se yon komèsan ak tout yon frè l. Li fè krim sa yo nan Tiboug Obòy ak Sen Lwidinò.
Lapolis anonse y ap kontinye ak operasyon sa yo jouk yo fin lave vil Pòdepè pou retire fwaye zago loray yo.
