Nan paj 20 rapò Nasyon Zini an, eskpè yo fè konnen lè Michel Martelly te prezidan sòti 2011 pou rive 2016, li te sèvi ak gang yo pou l te ka fè pouvwa li a mache. Bandi legal sa a te menm patisipe nan kreyasyon “Baz 257” ki konn ap opere nan blòk Mòn Laza nan kraze manifestasyon. Sweet Micky konn finanse tou Baz 5 segond, Ti Bwa ak Gran Ravin. Li konn ba yo lajan oubyen zam, daprè rapò a. Nan rezolisyon 2653 sa a, eskpè yo mande pou bon jan dispozisyon pran pou yo fouke tout malveyan ki nan lis sa a.
Lis definitif la gen pou sòti nan mwa novanm nan, daprè eskpè yo men yo deja fè konnen gen ladan l 2 ansyen prezidan, 3 ansyen premye minis, ansyen ak aktyèl minis, fanm ak gason ki nan sektè prive a pou n site sa yo ase.
