Tankou jan sa te anonse, 19 oktòb k ap vini la a, Nasyon Zini pral chita sou yon lis manch long ki gen ladan l anpil chèf gang. Anplis de sa, gen anpil pèsonalite nan politik ak ekonomik k ap sipòte oubyen bay gang yo tete moun pral dekouvri nan lis sa a. Sou sit entènèt ONU an, yo deja fè mansyon de sanksyon pou tout abolotcho sa yo ki nan peyi a osinon aletranje.
Jou 19 oktòb la, tout sekrè pral deyò e anpil te vèvenn pral bwè. Nou dwe sonje semèn pase a, minis Jistis peyi d Ayiti a ki se Emmélie Prophète Milcé ak tout Direktè kabinè l, Paul Eronce Villard te twouve yo Ozetazini. Pral gen kouri pi rèd.
