Miguel Vargas k ap dirije pati politik Revolisyonè pa mezire mo l pou l kiritike prezidan Abinader. “Gouvènman an fè plizyè erè, 17 me 2021 li te konkli yon akò ki bay pasaj gratis nan kanal rivyè Masak, kounya li vle pran yon lòt mezi”, se konsa Miguel Vargas pale. Li di desizyon pou fèmen fwontyè a se pi move mezi Luis Abinader te ka pran paske sa afekte ekonomi dominikèn nan anpil.
Nan menm deklarasyon l lan, ansyen minis la di jwèt gouvènman dominiken an ap jwe a pa bèl menm paske li sal imaj peyi a sou sèn entènasyonal la. Nan zafè kanal sa a, gen anpil dominiken ki wè Luis Abinader trè mal.
