Nan yon reyinyon ki t ap fèt jodi nan Òganizasyon Eta Ameriken (OEA) reprezantan Ayiti a nan Òganizasyon sa a ki se Léon Charles fè konnen Ayiti gen dwa menm jan ak Sendomeng pou eskplwate dlo ki separe 2 peyi yo. Ansyen DG-PNH la deklare vwazen an pran 12 branch deja sou rivyè Masak la Ayiti pat okouran. Roberto Alvarez, reprezantan Dominikani nan rankont sa a di gouvènman ayisyen an pat di yo sa avan.
Grenn kesyon Ayiti gen pou diplomat dominiken an, se èske an 1929 pat gen yon akò ki te siyen ? E anplis èske lè yo t ap pran 12 priz sou kanal la, yo te mete Ayiti okouran?
