Nan chwa 1000 sòlda ak polisye sa yo k ap fèt la, ladan l, ap gen ofisye ki espesyalize. Nan gwoup sa a, otorite yo ap chwazi 35 chofè, 6 moun ki gen konesans nan lang siy, 12 prèt ak pastè epi 8 mekanisyen. Pou kontinye, Leta peyi Kenya di fòk sòlda osinon polisye sa yo gen 5 lane eskperyans epi fòk yo gen ant 20 pou rive 40 lane.
Tout sòlda yo dwe metrize lang anglè, yo dwe anfòm mantalman, fizikman e medikalman. Sonje Lakou Siprèm peyi Kenya kanpe tout operasyon a letranje jiska 24 oktòb k ap vini la a, annatandan gouvènman an eksplike yo tout bagay.
