Daprè pastè Julio Volcy ki se responsab Legliz “Rendez-vous Christ” nan Dèlma 75 deklare bay jounal Miami Herald, bandi yo kidnape yon ajan sekirite l, yo kidnape lòt fidèl, yo vòlè telefòn, dekonekte laptop ak ekran. 3 nan kriminèl yo te abiye ak kostim, tankou moun ki vin Legliz e 12 lòt te mete inifòm SWAT sou yo. Nèg yo debalize Legliz la, malgre Lapolis ta pral rive, anpil chape.
Pastè Julio Volcy ki se yon sitwayen ameriken te gentan lage yon mesaj ki di “bandi atake legliz la, ede nou priye”. Zak malonèt sa a, Lapolis te fè jefò pou kontrekare l men anpil anpil dega gentan fèt.
