Jeff k ap yaya kò l nan Kanaran ak akolit yo mete dife nan komisarya Onavil la ayè samdi 30 septanm nan, nan laprè midi. Se Lionel Lazarre, responsab SYNAPOA ki gaye nouvèl la. Nou aprann avan bandi yo mete dife a, yo te drese barikad pou anpeche ranfò rive. Erezman kèk grenn polisye ki te sou plas yo te gentan mete van nan vwèl yo.
Batay ant bandi ak Lapolis la poko ap kanpe si n byen konprann. Pènye pa gen komisarya san bliye Kafou Fèy, Matisan, Site Solèy, yo sot kankannen youn Sodo e kounye a yo pran sa Onavil la. Ariel Henry ap ri tout bagay.
