Gouvènman dominiken an enstale 3 ponp dizèl pou itilize kanal “La Vigia” a. Ponp sa yo ap rale dlo a depi anlè pou diminye fòs rivyè a. Gen yon ponp ki ka rale 6000 galon dlo, yon lòt 3000 galon e 3e nan kapab rale 6 500 galon. Daprè jounal Listin Diario, kantite dlo 3 ponp sa yo ap ka rale estime a yon mèt kib dlo chak segond. Se pou yo kapab wouze jaden agrikòl peyi yo a.
Se menm jan ak 1937 lè Trujillo te di li pral asasinen ayisyen li te pretann k ap vòlè jaden dominiken yo. Malgre plis pase 20 000 ayisyen te mouri anba men sòlda dominiken yo, Sténio Vincent pat di anyen. Ebyen jodi a se sèlman pèp ayisyen an k ap goumen kont Abinader. Ariel Henry ap dòmi an mòd “sa pa gade l”.
