“Mwen vle tounen lakay mwen, jan lalwa egzije sa”, pawòl ansyen senatè eli depatman Grandans lan, Guy Philippe ki di li pa santi l an sekirite nan peyi Etazini. Daprè VOA kreyòl, ansyen ofisye polis la di li te dwe pran avyon jedi 28 septanm nan pou antre Ayiti men gen yon ofisye ki di l li p ap kapab paske gouvènman ayisyen an poko bay otorizasyon pou sa.
Guy Philippe toujou twouve l nan yon kan kote yo loje imigran anba kontwòl sèvis imigrasyon peyi Etazini. Li prèske gen yon mwa depi l kite prizon an alòske li poko ka retounen Ayiti pou rezon politik.
