Lendi 2 oktòb k ap vini la a, apati 10è nan maten, moun k ap pwodwi ze nan pwovens ki rele La Vega ak Espaillat deside bay Luis Abinader yon repons. Yo di yo pral depoze plizyè milye ze pouri nan pye moniman agrikòl Moca a. Se yon fason pou yo moutre dezakò yo ak gouvènman an ki fèmen fwontyè a. Peyizan sa yo di yo pèdi 497 milyon pèso chak mwa.
Nou dwe enfòme w tou daprè enfòmasyon ki disponib yo, Repiblik Dominikèn pwodui 226 milyon ze chak mwa, 40 milyon nan ze sa yo se an Ayiti yo voye yo, daprè jounal Listin Diario.
