Gwoup konpa Arly Larivière ap dirije a ki se Nu Look fè yon gwo jès. Nan yon nòt ki ekri sou paj atis la, li felisite moun Wanament ki reveye fyète sa a ki te nan kache nan chak ayisyen e di Nu Look paka rete an silans. Se pou sa yo voye yon chèk 400 mil goud annatandan daprè Arly Larivière.
“Kanal la p ap kanpe”. Se konsa Arly Larivière fini nòt la pandan l bat bravo lakontantman pou tout ayisyen sa yo ki kanpe pou travay la vanse. Nou dwe raple n anpil atis deja angaje yo nan batay sa a.
