Ariel Henry derefize tande larezon. Daprè premye minis Sen Vensan ak Grenadin nan, Ralph Gonsalves, angajman Ariel Henry te pran nan somè Trinidad ak Tobago a, li pa respekte youn ladan yo. Si gouvènman an ap trennen pye gen yon lòt gwoup ki deside kontinye kanpe dèyè do l pandan l pa itil anyen e gen yon lòt gwoup ki vle demisyon l. Tout sa yo lakoz reyinyon CARICOM nan pa bay anyen.
Moun lakay pa vle mete men. Lè moun deyò yo vini ak yon ti kal volonte pou ba n yon bourad, nèg ak fanm isit kanpe rèd kou ke makak. N ap raple, nan otèl Montana, an prezans reprezantan CARICOM yo, se gwo deblozay ki te pete ant aktè akò 21 desanm yo ak gwoup Montana a.
