Luckner Désir, animatè vedèt emisyon “Matin Débat” sou radyo ak Televizyon Eklè resevwa yon papye tenbre nan men komisè gouvènman Pòtoprens lan. Pakè a envite Loucko Désir pou l vin bay detay sou sa l te di nan mikwo l fwa pase a kote l te deklare gang yo gen bon kote yo paske yo pèmèt anpil jenn gason touche 15 000 goud chak semèn. Li dwe parèt devan komisè Elder Guillaume vandredi 8 septanm sa a.
Nou dwe raple n Loucko Désir te prezante eskiz piblik devan oditè li yo. Li te deklare li konsyan ke l te ale twò lwen nan deklarasyon li te fè a. Yon lòt toumant pou animatè a ak Pakè Pòtoprens.
