Daprè yon rapò 36 paj DCPJ voye bay jij Walther Wesser Voltaire, yo fè konnen, aprè analiz otopsi kadav la, yo jwenn rad Jovenel te chire, plizyè zo nan kò l te kraze sitou nan tèt li. Nan sans sa a, Biwo Zafè Kriminèl mande jij la mete manda dèyè doktè Harisson Ernest, jij Wendel Coq Thelot, Liné Balthazar, Ashkard Joseph Pierre, Francis Alexis Cinéas ak Vithel’homme Innocent. Daprè DCPJ, moun sa yo te patisipe nan planifikasyon asasina Jovenel Moïse la.
Nèg yo te kraze zo nan fwon defen prezidan an, yo te defòme kràn tèt li ki ak kou elatriye…tout sa se daprè analiz otopsi kò Jovenel la DCPJ jwenn yo. Yo mande jij Walther Wesser Voltaire degaje l pou l mare moun sa yo.
