Akoz sitiyasyon ensekirite a k ap dejenere nan peyi a, gouvènman ameriken an, atravè Anbasad li an Ayiti mande resòtisan li yo pou kite Ayiti yon fwa sa posib. Yo menm mande yo, si yo deside fè sa se pou yo ale nan yon vòl komèsyal oubyen prive. Deja gen vòl konpayi “charter” ki disponib pou yo nan Ayewopò Entènasyonal Tousen Louvèti ak Okap.
Nan menm nòt sa a, yo mande resòtisan yo pou yo evite kote ki gen tire, manifestasyon, kote ki gen anbouteyaj e yo menm mande yo fè demi tou si yo ta pran nan yon pyèj e chache yon kote, sitou yon anbasad pou pran refij yo.
