Nan yon mesaj vokal tou kout ansyen chèf rebèl 2004 yo lage nan kòmansman semèn sa a, Guy Philippe ki te nan prizon nan peyi Etazini anonse l ap retounen nan peyi l. Li pwofite voye yon mesaj bay tout moun k ap kontwole bandi nan peyi a pou yo sispann pandan l di moun ki di depi l retounen y ap touye l yo, se jwe y ap jwe. Ansyen senatè eli depatman Grandans lan di l ap retounen kanmenm.
“Vle pa vle m ap retounen nan peyi m e m ap anonse ki jou e nan ki vòl m ap rantre”, se sa Guy Philippe anonse nan mesaj li fè pase a.
