Jent militè k ap dirije peyi Nijè depi 26 jiyè 2023, aprè koudeta a, bay Sylvain Itté, anbasadè peyi Lafrans nan peyi sa a 2 jou won kon boul pou l mare pakèt li kite peyi a. Jent militè a pran mezi sa a akoz Lafrans ki menase entèvni nan peyi sa a ak militè pou vin remete Mohamed Bazoum nan plas li. Yo te envite anbasadè sa a nan yon reyinyon jounen vandredi sa a, li pa mete pye, ebyen gouvènman ki la a deside mete misye deyò.
Jent militè sa a gen gwo pwoblèm ak Lafrans paske yo se akoz li menm ki fè peyi Nijè nan eta l ye jodi a. Nou dwe raple gouvènman militè sila a jwenn sipò plizyè peyi an Afrik tankou Mali ak Boukina Faso nan lit sa a.
