Polisye CESFONT yo arete Jhon Morelis Alcántara Montero ayè jedi 24 dawout la nan Elias Pinas, nan Sidwès Repiblik Dominikèn. Ajan yo jwenn li avèk 9 paspò ayisyen nan men l. Non ayisyen sa yo se Maranatha Pierre, Renald Exantus, Barathelemy Deshommes, Gertha Claircidor, Jacques Taphena, Andremene Payen, Ricardo Fleurvil Cundumi, Bety Gaston ak Michelle Agla Baptiste.
Otorite yo voye paspò sa yo nan sèvis imigrasyon kay vwazen pou yo kapab lokalize mèt yo, daprè sa responsab CESFONT yo pibliye nan yon kominike. Yon ankèt deja louvri pou konnen kisa l ta pral fè avèk yo.
