Delegasyon peyi Kenya a ki te vin evalye tèren an pa ofri gwo bagay ak gouvènman, Lapolis e kò diplomatik la. Fòs ki ta dwe vini an, daprè sa Miami Herald di pandan l ap site yon sous diplomatik, se pou pwoteje enfrastrikti etranje yo, Pò ak Ayewopò nou yo men pa pou batay kont gang. Toujou daprè sous la, tout kote kenyan yo vle ede yo se nan men gang yo ye donk fòk yo ta chase gang yo avan.
Èske Ayiti pa nan pwoblèm pi rèd? De tout fason tout sa k ap pase la yo se nan avantaj Ariel Henry yo ye ak ti gwoup ki avèk li a. Pèp ayisyen sanble fenk kare pran nan konplo si l pa deside frape pye l atè.
