Evguéni Prigojine fè pati 10 moun ki pèdi lavi yo jounen mèkredi 23 dawout la nan yon djèt prive ki fè krach nan Nò Moskou, kapital peyi Larisi. Si avan te gen dout sou nouvèl lanmò patwon Gwoup paramilitè Wagner a, otorite ayeryèn peyi Larisi konfime enfòmasyon an pou Laprès. Prigojine pa vivan ankò.
Mwa jwen 2023 ki sot pase la a, Evguéni Prigojine te tante fè yon koudeta kont Vladimir Poutine pandan l t ap eseye antre Moskou ak gwoup li a. Se yon lanmò ki gen anpil analiz politik ki ka fèt dèyè l.
