Ekip manadjè atis Rutshelle Guillaume yo anonse li nomine nan TRACE AWARDS 2023 pou kategori Meyè Atis nan Karayib la. Seremoni sa a ap gen pou dewoule nan peyi Wannda, nan kapital li ki se Kigali sòti 20 pou rive 22 oktòb 2023. Ruth ap tann vòt gran piblik la pou ranpòte pri sa a kote li an konpetisyon ak Kalash, Bamby, Princess Lover, Admiral T, Shenshea, Popcaan ak Maureen.
Ban dèyè Rutshelle la fè konnen li rive nan etap sa a pou devouman li nan zafè mizik nan mond atistik la. Yo envite gran piblik la pou vote pou atis la sou lyen sa a https://trace.plus/fr/best-artist-caribbean/.
