Ond twopikal otorite ki nan sèvis meteyowolojik peyi a te pale de li ayè dimanch lan transfòme an tanpèt twopikal. Li deja pote non Franklin e l ap gen pou etann kò l sou tout peyi d Ayiti. Tanpèt twopikal sa a ap atenn Ayiti nan anviwon 48è k ap vini la yo ak gwo van epi gwo lapli ap akonpanye l tou.
Demen madi a, Franklin ap pase sou Repiblik Dominikèn avan li ateri an Ayiti. Li deja ap yaya kò l nan lanmè Karayib yo e sou kèk peyi nan ti Antiy yo. Pwoteksyon Sivil ak sèvis Idwometeyowolojik peyi d Ayiti mande tout moun pran anpil prekosyon.
