Nickson Elisca , yon polisye ki sòti nan 28e pwomosyon Lapolis la tonbe anba bal bandi lendi 14 dawout la nan aswè nan Kafou Fèy. Se Lionel Lazarre, responsab SYNAPOA a ki konfime nouvèl la. Aprè yo fin touye polisye a, yo pote kadav la ale. Nickson Elisca te afekte nan Penitansye Nasyonal nan ekip DAP la. Li te fè pati tou Ekip Penitansyè Entèvansyon ak Eskòt (EPINES).
Nan mwens pase 8 jou, 2 polisye tonbe anba bal mesye Gran Ravin yo nan Kafou Fèy. N ap raple nan manifestasyon moun yo t ap fè kont zak bandi yo ayè lendi a, Lapolis te sasinen yo ak kout gaz lakrimojèn.
