Batey La Grúa ki chita kò l nan Minisipalite Imbert, yon pwovens nan vil Puerto Plata ravaje anba gwo flanm dife. Grav ensidan sa a, daprè Konsila Ayiti a an Repiblik Dominikèn lakoz anviwon 35 kay boule ra pye tè, mèt kay sa yo ki se ayisyen pa chape anyen. Daprè premye detay ki bay, se ta yon gaz ki eklate nan yon kay ki lakoz gwo dife sa a.
Konsil Jean Gardy Marius te rive sou plas pou vizite viktim yo daprè sa nou aprann. Li te pale ak konpatriyòt ayisyen sa yo ki sòti viktim aprè gwo ensidan sa a e pwomèt l ap fè swit ak ka yo.
