Alix Dorsainvil se non enfimyè ameriken sa a nèg ak zam kidnape ak tout yon pitit li jedi pase a daprè plizyè medya nan peyi Etazini. Alix Dorsainvil marye ak Sandro Dorsainvil e y ap viv an Ayiti lontan sa. Mari li se Direktè “El Roi Haiti Outreach International” ki se yon òganizasyon imanitè k ap ede moun nan kominote a.
Se anndan lokal òganizasyon an zago loray yo antre pran madanm nan ak pitit li a daprè sa yo rapòte. N ap raple Etazini koumanse evakye kèk resòtisan li nan peyi a, sitou anplwaye Anbasad yo.
