Tout vè 10 è maten jedi 27 jiyè a, plizyè nèg ak gwo zam fann fwa nan men yo, manch long kou manch kout t ap fè patwouy pou papa yo Vithel’homme. Zòn Kòlèt, Wout Frè, anba Meyòt bandi yo simen anvlòp bay bizniz yo pou ka pase ranmase lajan aprè. Yo menm deklare ak yon mèt boutik si l pa peye se zòn nan l ap bay. Nan tèt kole ak Wo kòmandman PNH la, Vithel’homme ap ogmante tèritwa l.
Pa menm yon sachè dlo lapolis pa pete nan moman bandi yo t ap pwomennen nan zòn sa yo. Sòti Taba jouk rive anwo Fòjak, tout ti lokalite yo prèske fin ajenou anba men bandi kriminèl sa yo.
