Pandan premye minis Ariel Henry nan peyi Trinidad la, li rankontre yon delegasyon amerikèn ki gen nan tèt li Antony Blinken, Sekretè d Eta ameriken an. Alòske gouvènman an pa bay okenn detay sou rankont sa a, Sekretè d Eta a tweet pou l di gen ijans pou aktè yo jwenn yon akò politik pandan yo menm y ap degaje yo pou bay asistans entènasyonal pou ede konbat gang yo nan Peyi a. Te gen anpil lòt gwo chabrak ameriken nan reyinyon sa a ayè mèkredi 5 jiyè a.
Afòs diferan aktè ki anfas gouvènman an pa deside antann yo sou kisa yo dwe fè pou frennen l sou deriv li yo, se angrè y ap lage nan kò Ariel pou l avanse tèt dwat. N ap remake tou Etazini ekate Kanada nan dènye reyinyon sa a ki dewoule Trinidad la
