Vithel’Homme ak bandi l yo pa chome menm dènye jou sa yo. Sòti vandredi 16 pou rive ayè dimanch 18 jwen an, gen plizyè ka kidnaping ki anrejistre nan zòn Taba, Tòsèl, vire desann Lilavwa pou n site zòn sa yo ase. Ayè dimanch lan, bandi anlve direktè rejyonal APN nan Tòsèl e daprè enfòmasyon gen gwo lajan ki mande pou yo libere l.
Gouvènman ki la a ak Direksyon Jeneral Lapolis la kontinye tete lang ak gang Tòsèl la, sa ki lakoz Taba ak zòn ki anviwonnen l yo kontinye ap pran gwo frap. N ap raple aprè atak ki te fèt kont Sun Auto a, okenn dispozisyon poko janm pran bò kote lapolis pou bay yon repons ak malfra yo.
