Avan operasyon Matisan an te kòmanse, bis ki ale Okay oubyen Jeremi te konn peye zago loray yo 30 000 goud pou yo travèse, operasyon an kanpe, bandi yo retounen pi rèd nan ranmase lajan e yo egzije chofè yo 40 000 goud daprè sendikalis Mehu Changeux. Sa ki pi grav la, lajan sa a chofè yo ap bay li ni lè yo prale ni lè y ap retounen.
Responsab APCH la mande Lapolis si l ap fè yon bagay Matisan fè l li fini. Chofè yo vin twouve yo nan yon sitiyasyon ki pi difisil nan travèse tèritwa pèdi sa a jan Emmélie Prophète Milcé te rele l la e pasaje yo oblije peye plis lajan.
