Madi 23 ak mèkredi 24 me pase a, Wo Konsèy Tranzisyon an te òganize 2 jounen fowòm sou sekirite ak eleksyon. Daprè sa yon sous nan gouvènman an pataje ak Métronome, se 8.5 milyon goud ki te al jwenn HCT a pou sa te ka reyalize. E pou HCT a fonksyone, daprè menm sous la se yon bidjè 400 milyon goud li ta genyen alòske pou nouvèl ane fiskal k ap vini la a, kidonk apati 1e oktòb 2023, bidjè HCT a gen posiblite pou l ogmante.
Anpil moun nan sosyete a te gentan kont fowòm sa a ki pa t ap bay gwo rezilta. 8.5 milyon an depanse men okenn moun pa vrèman santi enpak sa ki te fèt nan otèl Karibe a.
