Aprè Ajantin ak kèk lòt peyi nan Amerik Latin nan ki deja koupe fache ak deviz ameriken an sou mache entènasyonal la, se tou pa Venezyela. Nicolas Maduro, prezidan peyi sa a, nan yon deklarasyon li fè jodi madi 23 a me fè konnen peyi li a ap fè chemen l, li pa deside fè tranzaksyon ak lajan ameriken an ankò. Peyi Venezyela deside pran dwa grandèt majè li nan sans sa a.
Depi aprè somè BRICS la ki te reyini peyi tankou Brezil, Lachin ak lòt ankò, desizyon an se te pou detache yo de deviz ameriken an, yon mannyè pou yo pa kontinye achte ak lajan ameriken ankò nan kòmès entènasyonal yo. Brezil ak Chin se yo ki te bay koudanvwa a.
