Chata, se non prezime bandi sa a ki bay lanmen ak lanmò ayè dimanch 21 me a nan aswè nan Ri Sen Siren nan komin Petyonvil. Daprè sa lapolis di, misye t ap ransonnen moun prèske bò Sent Terèz lè yo te enfòme de sa. Chata te gen yon 9mm nan men l e se avèk li li t ap kase ponyèt moun k ap pase. Nan echanj kout zam ak fòs lòd yo, misye fè vwèl pou peyi san chapo.
Aprè jij de pè fin konstate kadav Chata, daprè detay PNH la bay, yo leve l epi pou yo fè sa ki nesesè avèk li aprè. Dènye jou sa yo, plizyè grenn bandi tonbe malgre gwo poto yo toujou vivan.
