Pou evite dega yo plis toujou pa rapò ak kantite machin ki detounen deja, pou evite moun pran bal pandan Lapolis ap mennen batay kont gang yo sou zòn Matisan an, Sendika transpò ki reyini STTH, APCH ak FENATRATH mande tout chofè yo pa travèse Matisan apati demen lendi 15 me 2023 a. Daprè responsab sektè sa yo, mezi sa a ap kenbe jiskaske Lapolis pibliye yon nòt nan Laprès pou mande popilasyon an sikile libe liben.
Sòti Pòtay Leyogàn pou ale Bizoton e sòti Bizoton pou ale Pòtay Leyogàn twonson sa a entèdi. Pandan tan sa a, sòti Bizoton pou ale nan Gran Sid peyi a, chofè yo kapab fonksyone men se de fason pwovizwa toujou daprè nòt sendikalis yo.
