Daprè kèk temwen ki t ap swiv, plizyè grenn bandi tonbe anba bal, anpil lòt sòti blese. Depi vè 2è aprè midi jedi 11 me a, lapolis fè yon pote boure sou Matisan ak zòn 5e avni Bòlòs. Polisye yo tire anpil kout gaz lakrimojèn pou yo kapab mye jere zago loray yo.
Sou tout Bisantnè a jouk rive anndan Matisan, lapolis dedouble seryezman pou kontrekare vagabon ak sapat sa yo ki toujou ap bay peyi a pwoblèm. Sèlman nouvèl peyi a ap tann se konnen sa ki rive Ti Makak la rive Manno, Ti Lapli, Izo, Vithel’Homme pou n site sa yo ase.
