Byen bonè maten lendi 24 avril la, anpil kout zam chante nan zòn Debisi, Kanapevè, Tijo pou n site sa yo ase. Kèk tan aprè, Lapolis dekouvri anviwon 14 jenn gason ap pase nan yon ti bis nan zòn komisarya Kanapevè a ak zam nan men yo, polisye yo bare yo. Popilasyon an fè fen yo epi mete dife sou yo malgre prezans lapolis, anpil ladan yo boule tou vivan.
Daprè kèk temwen ki te sou plas, nèg sa yp t ap pral pote ranfò bay bandi parèy yo nan zòn nan. Bandi ak zam kontinye ap pran tèritwa tout kote nan peyi a, san gouvènman an pa di ase. Se youn nan rezon ki fè popilasyon sivil la deside bay tèt li jistis.
