Dosye sa a kite faz rimè a atò. Se tout bon vre, chèf gang Carlot Petit-Frère alyas Ti Makak bwè dlo bouch li. Lanmò malfra sa a fè swit ak dènye operasyon Lapolis te mennen nan Laboul ak Tomasen kote li te resevwa yon bal nan lestomak. N ap raple Ti Makak kontribye nan asasina anpil gwo bra nan peyi a tankou Éric Jean-Baptiste, Yvon Busseret pou n site sa yo ase.
Pou anpil moun, lanmò Ti Makak la pa vle di anyen paske chak fwa yon chèf gang tonbe, gen lòt ki ranplase l. Se pou sa yo swete se gang ak kostim yo ki vwayaje pou letènite.
