Daprè Depatman d Eta ameriken, apati 30 me 2023 k ap vini la a, viza pou touris, envestisè, afè, etidyan, travayè tanporè ap ogmante. Viza touris pral pase de 160 a 185 dola, viza travay tanporè (H, L, O, P, Q ak R) ap pase de 190 a 205 dola. Pou kòmèsan ak envestisè yo l ap pase sòti 205 a 315 dola ameriken, daprè enfòmasyon depatman deta pataje nan semèn sa a.
Anpil lòt viza tankou viza pou moun ki pa imigran ogmante tou. Daprè otorite amerikèn yo, viza touris ak travay yo enpòtan anpil pou politik etranjè administrasyon Biden lan.
