Zak bandi yo pa san konsekans sou lavi ak fonksyonman popilasyon ayisyèn nan. Gen anpil moun ki te fenk kite kay yo laplèn pou al lwe lòt kay nan wotè Petyonvil ki oblije ap kouri. Gen lòt ki te apenn achte kay ki kouri kite l poutèt move zak bandi yo. Elèv lekòl menm k ap pèdi lajan yo te bay deja e menm pèdi ane eskolè a, se pa pale.
Anpil moun nan rekòmanse. Plizyè fanmi kite kapital la pou al rete an pwovens. Men pou sila yo ki pat gen lòt kote pou yo ale nan peyi a, se nan tanpri souple yo ye dènye jou sa yo.
