Nan yon ti bout videyo k ap sikile sou rezo yo, Fantom filme tèt li ak yon machin lapolis an Repiblik Dominikèn kote l ap ri e l ap salye polisye yo. Se yon videyo rapè a fè pou l dezapwouve moun ki di lapolis ap chache l kou chen fou yo. Atis la kontinye demanti rimè ki plane sou li yo nan tout sans.
Rapè a gen akizasyon sou do l kote li menm ak kèk lòt jenn gason ki te avèk li ta touye yon jèn gason ki gen 26 lane ki rele Junior. Junior pran yon kout kouto paske Fantom te bezwen soti ak yon sè l li pa dakò.
