Daprè Chèf d Eta majò pou defans Lame Kanadyèn nan ki se Wayne Eyre, peyi Kanada pa pare pou pran tèt yon fòs entèvansyon militè nan peyi d Ayiti. Li fè konnen pi lwen, lame peyi Kanada a deja angaje l bò kote Ikrèn ak OTAN nan kad gè kont Larisi a. Wayne Eyre di solisyon an se ayisyen yo ki dwe jwenn li ant yo menm.
Chèf d Eta majò lame kanadyèn nan fè konnen nan kad entèvansyon l lan, nan mikwo Ajans Reuters, yo pa gen materyèl an kantite pou vin bay bourad ak ensekirite a nan peyi d Ayiti. N ap raple Kanada deja depanse, daprè chif ki disponib yo, 724 milyon dola ameriken sèlman pou bay kout men ak peyi Ikrèn.
