Moun Koridò Basya, Avni Poupla, Nazon, Pòs Machan, Bèlè, Solino pou n site kote sa yo ase ap viv yon move moman depi anviwon 3 jou. Nèg G9 yo ak nèg Krache dife yo ap livre yon batay pou tèritwa, sa ki lakoz tout moun nan zòn sa yo ak tout pitit yo mare ti pakèt yo pou ale yon kote yo pa menm konnen. Pyès moun pa konn kot yo gad.
Tout devan Palè, daprè enfòmasyon k ap sikile gen moun ki resevwa bal. Bandi yo ap flannen sou tout plas yo ak gwo galil nan men yo, y ap repouse moun, y ap tire pandan y ap mete dife.
