Madam Helen Ruth Meagher La Lime ki t ap koupe rache kòm reprezantant espesyal Nasyon Zini nan peyi d Ayiti depi plizyè lane, manda l ap bout nan mwa mas sa a. Se ekwatoryèn Maria Isabel Salvador ki nome nan plas li daprè yon kominike Nasyon Zini pibliye. Ansyèn chèf BINUH an, n ap raple se li menm ki te di Federasyon gang yo nan peyi d Ayiti se yon bon bagay.
Madan Helen La Lime foure bouch li byen fon nan zafè politik peyi a, se sa ki fè anpil moun te konn kritike l. Siksesè li a pral okipe menm pòs avèk li: reprezantant sekretè jeneral Nasyon Zini e an menm tan chèf BINUH.
