Pou kantite demand paspò ki fèt sou sistèm Direksyon Imigrasyon ak Emigrasyon sòti 1 pou bout 27 fevriye 2023 sa a, Leta ayisyen prevwa antre 993 milyon 448 mil goud pou mwa fevriye a sèlman, daprè sa Métronome anonse nan yon tweet. Depi lè prezidan Joe Biden lanse pwogram imanitè sa a 6 janvye 2023, demand paspò yo miltipliye nan peyi a malgre konplikasyon sa charye dèyè l.
Malgre se nan anpil kalamite, anpil konpatriyòt ayisyen kontinye reklame pyès enpòtan sa a an Ayiti. N ap raple zafè paspò sa a jenere anpil kòripsyon tou.
