Pandan l t ap patisipe nan emisyon Gran Boulva a sou radyo Karayib FM maten vandredi 27 janvye a, Direktè Jeneral menm radyo sa a di wè pa wè se yon fòs entènasyonal ki dwe ede Ayiti rezoud kriz la. Li ale pi lwen pou l di kriz la gen plizyè dimansyon e li fatige ak twoub ekonomik la sitou ki vin pi grav de jou an jou.
Daprè PDG gwoup Karayib la, se sèlman yon kout men entènasyonal la k ap ede n retire peyi a nan tchanpan li ye jodi a. Se tout moun ki devaste, daprè sa M. Moussignac ajoute nan entèvansyon l lan.
