Nan yon kominike li rann piblik, Mélany Joly, minis Zafè Etranjè peyi Kanada a anonse yo pran sanksyon kont ansyen depite Arnel Bélizaire ak tout Charles “kiko” Saint-Rémy, biznismann e bòfrè ansyen prezidan Joseph Michel Martelly. Mesye sa yo sanksyone akoz yo patisipe nan gwo zak kòripsyon ak pwoteksyon gang an Ayiti. Yo p ap ka antre Kanada epi y ap jele byen yo tankou jan yo te fè l pou lòt mesye avan yo.
Minis lan di nan kominike a mesye sa yo kontinye itilize pozisyon yo pou sipòte gang nan peyi a. Kanada ajoute pou di aksyon moun sa yo lakoz gen gwo vyolans seksyèl nan peyi a e mande pou sa sispann.
